العراق متحد
0 تعليق
*بقلم أحمد المنصوري ٠٠٠ 🖋️*
فد يوم عثر جار مع جاره بسبب عركة بين الاطفال واحد ضرب الثاني وصارت بالطابوگ واحد انضرب براسة وطلع دم والثاني انضرب بضلعة وما طلع دم ٠ المهم الطلع من راسة دم خذوه للمستشفى لان طلع منه دم والثاني خذوه للبيت وهو يتألم لكن ولم يشعر به احد ٠
والخيرين ادخلوا بين الجيران وطلبوا من ابو المضروب بالضلع ياخذ عطوة لان ابنه نثر دم ابن جارة وهاي اغلب المشاكل الطالع دمة يكسب القضية ٠
المهم الجار اخذ عطوة سبوع من جاره لكن المشكلة ألي طلع دمه اتعالج وبعد يومين طلع يلعب بالشارع والمضروب بالضلع ما ينام اليل من الألم ويون للصبح والأطفال الوياهم كلهم يشهدون العايل ابن الجار الطلع من راسة دم ٠
وبعد اسبوع انتهت العطوة ابو الطفل الطالع من راسة دم گال ما اريد تداوي اريد فصل وعتداء حتى يتأدب ابن جاري وطلب ٥٠ مليون ٠!!!
وتدخل السيد والخيرين والمشايخ صار الفصل ٥ مليون دفع الجار ٢ وبقة ٣ كل شهر مليون ٠
وبعد الفصل كتب ابو المضروب في ضلعه على داره ( الدار للبيع) لكن اهل المنطقة اجوا الجارهم وطلبوا منه يغير قراره وما يشيل فگلهم اشلون ما اشيل وجاري اخذ مني فصل وشلون اشوف ابن جاري يلعب بالشارع وبني نايم بالفراش يتألم ٠
اي عدل اي معروف اي انصاف هذا ٠!!؟
لهذا شگد في مجتمعنا يطالب بحق ليس حقه ويزعل ويسوي نفسة صاحب الحق والكثير يؤيده بدون معرفة الحقيقة مما جعل بعض القيم والاعتراف العشائرية تتغير لصالح الباطل ٠ وفق قانون الستر الذي يسكت فيه اهل الحق عن حقهم فيضن اهل الباطل انهم على حق ٠٠ كما قال أمير المؤمنين علي عليه السلام ٠@
لهذا تحتاج الاعراف العشائرية إلى غربلة من خلال عقد مؤتمر عشائري بين عموم مشايخ العراق والاتفاق على تعديل الاعراف كما تعدل بعض القوانين ٠٠✍️
ليست هناك تعليقات:
إرسال تعليق